Xornada 16

2ª División-grupo descenso 2 - 2ª xornada

Local: Pavillón Romarigo (Cangas do Morrazo)

Cinania Ralarsa: 4 - ANPA IES Virxe do Mar: 3

Alineación: Guillermo-Pablo-Adrián / Dobres: Guillermo-Pablo

A 2ª xornada desta segunda fase tampouco foi proveitosa para o noso equipo.
Presentabamos a xogar na vila de Cangas diante do Cinania coa baixa de Inés que tivo que ser substituída por Adrián (xogador do equipo da 3ª división)..
O encontro foi igualado como demostra o 4-3 final favorable aos de Cangas.
Malia esta derrota continuamos liderando a clasificación que cada vez se apreta máis polo que non pode pasar outra xornada sen acadar unha vitoria.
Como dato positivo compre sinalar que Guillermo Maneiro e Pablo Pérez ocupan a 4ª e 5ª posición no ranking individual da competición.

3ª División-grupo centro- 16ª xornada

Local: Ximnasio Colexio Arealonga

Liceo Casino Junior: 4 - ANPA IES VIRXE DO MAR: 1

Alineación: Manoel-Alberto- Nacho / Dob: Manoel- Nacho

Na xornada 16 da competición, tocounos visitar a cancha do Liceo Casino Junior de Vilagarcía. Coñeciamos a gran diferencia que hai neste momento entre os vilagarciáns, que encabezan a clasificación, e nós. O resultado final de 4 a 1 favorable aos locais, fala ben as claras desa circunstancia.
Foi un partido para aprender e continuar mellorando.
O noso único punto foi acadado por Nacho. Sinalar que Alex continúa lesionado e Adrián xogou nesta xornada co equipo da 2ª división.

Xornada 15

2ª división - grupo descenso 2- 1ª xornada

Local: IES Virxe do Mar-Noia

ANPA IES VIRXE DO MAR: 3 - Liceo Casino Tui: 4

Alineación: Guillermo-Pablo-Inés/ Dobles: Inés-Pablo

Comezabamos a segunda fase da competición diante do Liceo Casino Tui coa esperanza de acadar a vitoria. Os comezos foron bos xa que nos puxemos 2-0 por diante deles. Pero logo dunha moi boa reacción do equipo visitante o resultado final foi dun 3-4 ao seu favor. Este resultado xa nos indica o igualada que vai ser a competición nesta segunda fase. Polos nosos é de destacar a actuación de Pablo gañando os seus dous enfrontamentos individuais.

Malia este resultado continuamos encabezando a clasificación con 4 puntos de vantaxe sobre o segundo grazas á nosa inmellorable primeira fase.

3ª división - grupo centro - xornada 15

Local: IES Virxe do Mar-Noia

ANPA IES VIRXE DO MAR"B": 4 - Liceo Casino Villagacía: 1

Alineación: Adrián-Manoel-Nacho/ Dobles: Adrián-Pablo

Magnífica actuación do equipo. Con este resultado acadamos a cuarta vitoria da temporada. Pero o mellor é ver a evolución no xogo que xornada a xornada amosan os nosos xogadores. Todos estiveron a gran nivel pero aínda así é de destacar a actuación de Adrián que cun xogo moi dinámico acadou 2 vitorias individuais e colaborou na de dobres.