Cruce polo 5º e 6º posto pola cola. 1º encontro

I.E.S. VIRXE DO MAR -4- / CAMBRE T.M. -3-

Velaquí a xornada que levabamos tanto tempo agardando. Por fin o 4-3 caeu do noso lado. Unha acta para recordar, tendo en conta que nos presentábamos o domingo ás 11 da mañá cun xogador menos e cunha carga máis, a necesidade de acadar o mellor resultado posible. Polo noso instituto xogaron: Pablo Pérez, Inés Vázquez e Andrés Vázquez -en substituición de Guillermo Maneiro-. Os de Cambre presentaron a Juan José Redondo (o xefe do equipo de Cambre, máis coñecido como "Lóstrego"), a Santiago Brandariz e a José Pontigo. Este foi o resultado:


CAMBRE TM-3 IES VIRXE DO MAR-4


A) Juan José Redondo-3 Y) Andrés Vázquez-0
B) Santiago Brandariz-2 X) Pablo Pérez-3
C) José Pontigo-2 Z) Inés Vázquez-3
Db) Juan José Redondo/José Pontigo-2 Db) Pablo Pérez/Inés Vázquez-3
A) Juan José Redondo-3 X) Pablo Pérez-2
C) José Pontigo-3 Y) Andrés Vázquez-0
B) Santiago-1 Z) Inés Vázquez-3


Un resultado bastante frustrante para o equipo local, xa que gañaron máis xogos ca o noso equipo (16 fronte a 14) e, sen embargo, non levaron a vitoria.

Dentro do equipo de Cambre, os xogadores José e Santiago utilizaron palas de picos que lles fixeron moito dano aos nosos xogadores, en especial a Pablo. Os partidos Pablo-Santiago, Inés-José e o dobles foron de vital importancia para chegarmos a este resultado. O xefe do clube, Lóstrego, mostrou un nivel técnico incrible. O seu partido contra Pablo estivo moi axustado e, no momento do 2-1 para o noso xogador o encontro puido acabar aí, pero Lóstrego cambiou a súa técnica de xogo e remontou o enfrontamento. O partido Inés-José foi xustamente ao revés, Inés remontou un 2-1 adverso gracias a un bo consello no 3º descanso, que lle axudou a restar mellor o complicado saque do rival, que lle valera tantos puntos.

Cómpre salientar que neste encontro bateuse un récord certamente curioso. No enfrontamento Pablo-Santiago, o 4º set levou aos dous xogadores a unha situación de vantaxes continuas na que se chegou ao incrible resultado de 54 puntos. O resultado, un 28-26 en contra, quedou plasmado nunha fotografía tomada ao final do set, adxunta nesta crónica.

Queda pois, solo desexarlle aos nosos xogadores moitísima sorte no seguinte enfrontamento deste cruce co equipo de Cambre. Un enfrontamento no que esperamos contar con Guillermo, e que creemos poder afrontar, pelexando duramente por ese ansiado 6º posto pola cola.

Contra a espada e a parede

A 2ª fase remata para o noso equipo de 2ª división galega cunha soa victoria acadada fronte ao equipo vigués. A clasificación déixanos en 3º lugar pola cola, sendo conscientes de que comezamos esta 2ª volta cunha aplastante vantaxe sobre os demais equipos, vantaxe que non obstante non fomos quen de manter. A nosa sorte está nas mans da Federación. Non obstante, queda aínda un cruce - a disputar o vindeiro domingo 3 de maio - que poderá favorecer a decisión da organización para manternos na 2ª división para o ano que vén, xa que estaremos a xogarnos co equipo de Cambre o 5º e o 6º posto pola cola, de importancia vital tendo en conta que poden descender ata 3 equipos de cada grupo. Cómpre pois, loitar por esta pequena posibilidade de permanencia.

Por desgracia, Guillermo, xogador da nosa reducida plantilla non está dispoñible nesta ponte de maio por vacacións. Confiamos pois en que Pablo e Inés poidan substituir a súa labor e obter, aínda incluso dentro da derrota, un bo resultado.

Hai que seguir loitando

2ª División galega-grupo descenso 2 -5ª xornada

Local de xogo: Liceo Casino Tuy

Liceo Casino Tuy : 4 - ANPA IES Virxe do Mar: 1

Alineación: Guillermo-Inés-Pablo. Dobres:Inés-Guillermo

Comezamos a segunda volta da competición cunha derrota. Flouxo encontro pola nosa parte diante dun rival que no encontro de ida estivemos a piques de vencer. Solo Guillermo acadou un punto para o noso peto.

Quedan 3 xornadas para rematar esta fase e necesitamos acadar una victoria nalgún dos dous próximos choques diante de equipos de nivel semellante ao noso. Compre polo tanto esquencer os resultados anteriores e centrarnos no que queda.

3ª división galega-grupo centro- xornada de postos
Local de xogo: Pavillón Cangas
Alineación: Manuel- Adrián-Alex-Nacho

Nada que obxectar nesta xornada para o equipo de terceira. O sistema de competición levounos a Cangas para disputar 3 encontros ante os equipos de Tuy, Vincios e Cangas. Unha victoria e dúas derrotas foi o balance da xornada. Felicitacións aos nosos porque o traballo xa estaba feito e nestas dúas últimas xornadas compre disfrutar do xogo diante de novos equipos e xogadores.

Cara e cruz

2ª División galega-grupo descenso 2 - 4ª xornada
Local de xogo: R.C.Naútico de Vigo
R.C.N Vigo: 4 - ANPA IES Virxe do Mar: 1
Alineación: Guillermo-Inés-Pablo. Dobres:Inés-Pablo

Rematamos a primeira volta cunha clara derrota. O equipo rival foi moi superior polo que nada hai que laiar. Solo Guillermo acadou un punto que lle serve para manterse nos postos altos do ranking.

Analizando esta primeira volta botamos en conclusión que xa que 3 dos partidos perdidos foron por moi pouco, temos nas nosas mans gañar a algún deses equipos para non facer peligrar a nosa permanencia nesta categoría.

A competición terá un parón esta fin de semana na que se celebra o Campionato Galego xuvenil onde participarán Guillermo, Inés e posiblemente Pablo. Sorte para eles.

3ª división galega-grupo centro- 18ª xornada

Local de xogo: Pavillón Principe Felipe - Pontevedra

Monte Porreiro mixto: 2 - ANPA IES VIRXE DE MAR "B": 4

Alineación: Manuel- Adrián-Alex. Dobres: Manoel-Adrián

Volvía Alex ao equipo, logo dunha lesión e fixoo ao grande con 2 partidas gañadas. Ádrián e Manoel fixeron tamén das súas ao gañar o partido de dobres. Este resultado nos coloca na 7ª posición da taboa.

Con este partido remata a liga regular (faltan solamente os partidos de cruce cos outros grupos para delimitar as posicións finais). Rematamos cunha vitoria y cun balance moi positivo. Foi unha tempada para aprender. Os nosos xogadores levaron dende o principio da competición unha liña ascendente no seu nivel de xogo. Noraboa para todos eles polo seu esforzo, ilusión e adicación.

Virán tempos mellores

2ª División galega-grupo descenso 2 - 3ª xornada
Local de xogo: IES Virxe do Mar de Noia
ANPA IES Virxe do Mar: 3 - CINANIA "A tenda de Mucha": 4
Alineación: Guillermo-Inés-Pablo. Dobres:Inés-Guillermo

Terceiro partido desta segunda fase que perdemos axustadamente. Todo indica que a igualdade é máxima nestes momentos da competición.
O partido comezou con 2 vitorias para nós. Semellaba que nesta xornada acadariamos o triunfo. Logo do dobres poñiámonos por diante cun 3 a 1. Pero a partires dese momento, unha remontada espectacular do Cinania fixo que o resultado final fora favorable aos seus intereses.
A pesares da derrota compre destacar a Inés que ademais de contribuír á vitoria no encontro de dobres disputou dous partidos individuais de gran nivel técnico e espectacularidade.
Guillermo e Pabo colleitaron cadanseu unha vitoria.

3ª división galega-grupo centro- 17ª xornada
Local de xogo: Pavillón Principe Felipe - Pontevedra
ANPA IES VIRXE DE MAR "B": 2 - T.M. Pontevedra: 4
Alineación: Alex-Adrián-Nacho. Dobres: Manoel-Adrián

Chegamos a Pontevedra sabendo que a tarefa de vencer ao equipo local era moi difícil. O resultado reflicte con xustiza a diferencia que hai hoxe en día entre os dous equipos. A pesares da derrota é salientable a actuación de Nacho e Alex acadando os dous partidos gañados que nos levamos ao peto.
Na vindeira xornada diante do Monte Porreiro agardamos que a historia sexa distinta.