Clasificatorios Campionato España

Inés Vázquez e Pablo Pérez acuden esta fin de semana a Narón para disputar a fase clasificatoria dos Campionatos de España - zona Norte.

Inés forma parte do grupo 4 infantil xunto con xogadoras de Castela e León, Euskadi, Madrid e Galicia.
Pablo está encadrado no grupo 3 xuvenil. Competirá con xogadores de Castela León, Madrid e Galicia.

Agardamos para eles unha boa competición. Boa sorte.

9ª xornada

2ª división
Local: IES Virxe do Mar - Noia
ANPA IES VIRXE DO MAR: 2 - INSUCARPI: 4
Alineación: Guillermo-Pablo-Inés / db: Guillermo-Inés

Resultado agardado. Xogabamos diante do líder da categoría. Antes de empezar xa nos dobraba en puntuación na clasificación.
Así e todo o equipo estivo competitivo como demostran os dous partidos gañados. Dúas partidas que poden ser importantes na resolución de posibles empates con outros equipos ao final da competición.

A vindeira xornada teremos un partido moi importante diante do Ribadumia, un dos nosos rivais directos para acadar incorporarnos ao gurpo de 4 equipos que loitarán polo ascenso á 1ª división.

3ª división
Local: IES Virxe do Mar - Noia
ANPA IES VIRXE DO MAR: 4 - MONTEPORREIRO MIXTO : 1

Alineación: Alex-Manoel-Nacho / db: Alex-Benxamín

Xa era hora!!. Segunda victoria da tempada nun encontro completo do equipo. Sabemos que non estamos ao nivel dos primeiros pero que frente a equipos de similar potencial que o noso damos a talla, sabemos competir e imos recolleitando puntos.

Con este partido remata a 1ª volta cun balance positivo. Fomos de menos a máis e agardamos que a segunda parte sigamos mantendo esta pregresión. Parabéns a todo o equipo pola vosa ilusión, perseverancia e traballo.

para ollar mais polo miúdo a xornada, fai clic nesta ligazón

Un gran equipo

8ª xornada

2ª división
Local: IES Virxe do Mar - Noia

ANPA IES VIRXE DO MAR: 4 - LICEO Noia: 1
Alineación: Guillermo-Pablo-Inés / db: Guillermo-Inés

O resultado non reflicte a igualdade do encontro. O equipo do Liceo presentou nesta xornada os seus mellores xogadores poñéndonos a tarefa complicada.
Todo comezou ben para eles cun impresionante Héctor que non deu opción a Guillermo. Pero logo viría o mellor para nós. Pablo coa súa vitoria devolveunos a calma para que Inés, nun impresionante partido diante de Rosco e logo formando parella con Guillermo, puxese os dous puntos case no noso peto. Pechou o encontro Guillermo que non fallou diante de Hugo.
Con este resultado non perdemos de vista ao Monteporreiro quen semella vai ser o noso rival directo para acadar a salvación xa nesta primeira fase.

3ª división
Local: IES Virxe do Mar - Noia

ANPA IES VIRXE DO MAR: 1 - T.M. PONTEVEDRA: 4
Alineación: Alex-Nacho-Adrián / db: Alex-Manoel

Fronte de nós tiñamos aos segundos da táboa. Aínda que Alex nalgún dos seus partidos puido conseguir algo máis, o que estivo máis acertado foi Adrián. Nun partido moi intenso pola súa parte puxo ese punto no casilleiro.

O vindeiro sábado visita a nosa cancha un dos equipos da "nosa liga". Cómpre estar concentrados e competitivos porque ese pode ser o partido axeitado para lograr a segunda vitoria da tempada.
para ollar mais polo miúdo a xornada, fai clic nesta ligazón

7ª xornada

2ª división
Local de xogo: Pavillón Principe Felipe - Pontevedra
MONTE PORREIRO "B": 4 - ANPA IES VIRXE DO MAR: 3

Alineación: Guillermo-Pablo-Inés / db: Guillermo-Inés

Mágoa !! . Partido que precisabamos gañar e non fumos quen.

Como estaba previsto o encontro foi igualado chegando ata a 7ª partida. Todos os resultados foron apretados pero ao remate a vitoria apañouna o Monte Porreiro.
As dúas vitorias de Guillermo e a acadada por Inés non foron de abondo. A perda do punto de dobres e o último partido perdido por Pablo ( coa compaña dos nervos pola trascendencia do punto que se disputaba) foron as claves.

Esta perda nos manda á 5ª posición da táboa clasificatoria e polo tanto entramos no grupo de descenso.

Por tirar algo positivo da derrota sinalar que grazas ao apretado do resultado ainda teremos posibilidades de recuperar o terreo no caso dun posible empate a puntos final con este mesmo equipo.
A vindeira semana comeza a segunda volta que temos que mentalizanos de disputala ao 100 % en todo momento.

3ª división
Local de xogo:IES Virxe do Mar
ANPA IES VIRXE DO MAR "B": 0 - LICEO CASINO JUNIOR: 4
Alineación: Alex - Manoel - Adrián / db: Manoel - Nacho

Xa vimos decindo que o equipo paseniñamento vai medrando en xogo e actitude competitiva.
Pero sabemos que aínda non é de abondo e que diante de equipos máis experimentados terémolo difícil.

Destacar un primeiro set de Adrián diante do xogador vilagarcián, cheo de dinamismo e iniciativa o que fixo que acadara a vitoria no mesmo.
Non hai que se vir abaixo e continuar na teima de acadar a segunda vitoria na competición.

6ª xornada

2ª división
Local de xogo: IES Virxe do Mar - Noia
ANPA IES VIRXE DO MAR: 1 - GALMÉDICA OURENSE T.M: 4

Alineación: Pablo-Inés-Guillermo / db: Pablo-Guillermo

Partido no que un equipo foi moi superior ao outro. Desta volta tocounos sufrir unha derrota contundente. Que Inés xogara lesionada non xustifica nada. Solamente salvar a vitoria de Guillermo que continúa na parte alta do ranking.
Na vindeira semana teremos que loitar ao 100% posto que nos espera o Monte Porreiro. Este partido decidirá se son eles ou nós quen remate a primeira volta nos catro primeiros postos que dan dereito a xogar a fase de ascenso.

3ª división
Local de xogo:San Lázaro-Santiago de C.
ARTEAL ORBALLO: 4 - ANPA IES VIRXE DO MAR "B": 1
Alineación: Benjamín - Alex - Nacho - Manoel - Adrián / db: Manoel - Adrián

Resultado enganoso xa que este partido aínda que oficialmente pertenece á 6ª xornada, foi xogado hai algunhas semanas. Dende aquela o equipo progresou paseniñamente. De xogarse hoxe o resultado de seguro que sería outro.
Como anécdota hai que falar da polémica que xenerou o personal saque de Manoel e da amable pero intensa disputa posterior con Alexis, adestrador de Arteal.

5ª xornada

2ª división

Local: San Lázaro-Santiago de Compostela
ARTEAL T.M: 4 - ANPA IES VIRXE DO MAR: 0
Alineación: Guillermo-Pablo-Inés / db: Guillermo-Pablo.

O resultado fala. Xogabamos diante dun equipo experimentado que parte co obxectivo do ascenso. Nada puidemos facer.
Destacar o nivel amosado por Inés diante do seu número 1 ( José Alborés ).
O sábado agarda por nós o Galmédica Ourense, outro óso duro de roer.

3ª división

Local: Polideportivo Outes
ANPA IES VIRXE DO MAR: 1 - ADECO DEA OUTES: 4
Alineación: Alex-Nacho-Adrián / db: Manoel-Nacho

Agardabamos máis do encontro. Comezou o partido cunha vitoria de Alex. Semellaba que todo ía sobre rodas. A partir de ese momento non puidemos apañar máis.
Mália esta derrota continuamos no posto 8º da clasificación.
Como anécdota sinalar que continúan as polémicas no momento do saque de Manoel.
para ollar mais polo miúdo a xornada, fai clic nesta ligazón

4ª xornada-Primeiro doblete

2ª división
Local de xogo: Asociación Mecos - O Grove
ANPA IES VIRXE DO MAR: 4 - MECOS T.M: 1

Alineación: Guillermo-Pablo-Inés / db: Guillermo-Inés

Partido no que era necesario acadar a vitoria e así foi.

Os nosos non defraudaron. Grazas a este resultado nos mantemos no 4 lugar da clasificación agardando os dous próximos compromisos diante dos potentes conxuntos de ARTEAL T.M e GALDÉMICA OURENSE.

3ª división
Local de xogo:IES Virxe do Mar
ANPA IES VIRXE DO MAR "B": 4 - ADECO DEA POBRA: 1
Alineación: Benjamín - Alex - Nacho / db: Manoel - Adrián

O equipo vai medrando en xogo nas situacións que se dan en toda competición. Non podiamos agardar moito e aquí está: O noso primeiro triunfo.
En canto a actuación dos nosos xogadores sinalar que Alex saíndo esta vez como número 1 acadou dúas vitorias individuais. Benjamín venceu a Juanatey nun partido no que foi de menos a máis. Nacho que coa súa vitoria de hoxe continúa escalando postos no ranking da competición. O equipo de dobres estivo formado desta volta por Adrián e Manoel. Nun partido polémico nalgunha das súas fases non foron quen de facerse coa vitoria ainda que chegaron a diputar un quinto set.
Noraboa a todos por este primeiro triunfo na liga e confiemos que a vindeira semana diante do ADECO OUTES loitemos por acadar a segunda vitoria.

2ª división
Local: IES Virxe do Mar - Noia
ANPA IES VIRXE DO MAR: 2 - INSUCARPI: 4
Alineación: Guillermo-Pablo-Inés / db: Guillermo-Inés

Derrota agardada diante dun equipo que nos dobla en puntos e encabeza a clasificación. Aínda así fumos quen de gañar 2 partidos que poden ser importantes na clasificación en caso de empate a puntos con equipos do noso nivel.
Dos nosos o máis destacado foi Guillermo acadando 1,5 puntos. Inés colaborou na victoria en dobres e Pablo non tivo ocasión de facer máis logo de perder o seu primeiro encontro e non poder xogar na segunda rolda.

3ª división
Local: IES Virxe do Mar - Noia
ANPA IES VIRXE DO MAR: 4 - MONTEPORREIRO MIXTO: 1
Alineación: Alex-Manoel-Nacho/ db: Benxamín-Alex

Chegou a 2ª victoria da tempada diante dun equipo da "nosa liga".

Todos xogaron a bo nivel gañando Alex (2), Manoel e Nacho os seus partidos individuais.

Finalmente non acadamos un 4-0 xa que logo de conseguir facernos co primeiro set, non soubemos manter a tensión ata o final e acabamos perdendo ese punto.

Noraboa a todo o equipo!!

para ollar mais polo miúdo a xornada, fai clic nesta ligazón

3ª xornada

2ª división

Local de xogo: IES Virxe do Mar - Noia

ANPA IES VIRXE DO MAR: 4 - RIBADUMIA Decostylo: 3
Alineación: Guillermo-Pablo-Inés / db: Guillermo-Pablo.

Árdelle o eixo!! Partido completo: emocionante, igualado, loitado punto a punto ...

Foi difícil pero aínda así acadamos unha vitoria que vai ser importantísima no desenrolo da competición.

Dos nosos ... que decir. Inés estivo cando a necesitabamos. Acadou un punto e loitou de igual a igual diante do número 1 de Ribadumia. Pablo caendo nas redes que lle botaba o rival no primeiro encontro pero recuperado para o partido de dobres e poñendo peche ao partido coa vitoria no seu segundo enfrontamento individual. Guillermo, cun saque mortífero nalgunhas fases do partido de dobres e sabendo como xogar en todo momento. Acadou unha vitoria que sería decisiva diante do segundo xogador de Ribadumia.

Pero por riba de todo estivo o comportamento como conxunto que amosaron os nosos desta volta.

O vindeiro sábado ten que continuar a racha diante do Mecos T.M

3ª división
Local de xogo: Colexio A Lomba-Vilagarcía
Liceo Casino Junior: 4 - ANPA IES VIRXE DO MAR: 2
Alineación: Alex-Nacho-Adrián / db: Alex-Adrián

Isto vai a mellor!!. Caeron para o noso peto as dúas primeiras vitorias individuais na competición. Nacho (diante do mellor xogador dos vilagarciáns) e Alex foron os protagonistas.

Partido no que nos puxemos por diante cun 2-1 pero que logo non soubemos gañar.
Pero hai que mirar o positivo e sinalar a melloría que xornada a xornada se lle nota ao equipo. De seguro que non vai tardar o primeiro encontro gañado para nós. O equipo estivo adestrado de novo por Pablo Pérez.

Noraboa a todos.

para ollar mais polo miúdo a xornada, fai clic nesta ligazón

2ª xornada

2ª división

Local: Colexio St. Tomé - Cambados
INSUCARPI: 4 - ANPA IES VIRXE DO MAR: 0
Alineación: Guillermo - Inés-Pablo / db: Guillermo-Pablo.

Unha xornada e un resultado que nos devolve á realidade do que será a competición. Témolo difícil. Cómpre entón traballar e esforzarnos ao máximo para acadar o obxectivo proposto que non é outro que o de manterse na categoría.

Tivemos algunha ocasión de acadar un punto no dobres pero quedou na posiblididade de ... mágoa!!

O sábado visitará o IES o Ribadumia. Hai que acadar a vitoria, non queda outra!!

3ª división

Local: Campo San Lázaro - Santiago

ARTEAL VETERANOS: 4 - ANPA IES VIRXE DO MAR: 0

Alineación: Alex-Manoel-Nacho / db: Adrián-Manoel

Derrota diante dun equipo moito máis experimentado que o pasado ano militaba na 2ª división. Bastante fixeron os nosos. Mesmo Alex a piques estivo de acadar o primeiro punto do equipo na competición.
Rapaces, non hai que se vir abaixo. Pouco a pouco iremos subindo o noso nivel.

para ollar mais polo miúdo a xornada, fai clic nesta ligazón.

1ª xornada

2ª división
Local: Sociedade Liceo Noia
ANPA IES VIRXE DO MAR: 4 - LICEO NOIA: 1
Alineación: Guillermo - Inés-Pablo / db: Inés-Pablo

Típico partido de inicio de temporada cos dous equipos aínda sen dar o seu 100%. Malia esta circunstacia aos nosos notóuselles un chisco máis de rodaxe grazas á súa participación en diversos torneos de verán.
O resultado semella xusto aínda que sabemos que o partido de volta será unha historia moi diferente.
Salientar a boa actuación da inédita parella de dobres formada desta volta por Inés e Pablo.
Para este encontro os nosos xogadores luciron senllas camisetas conmemorativas do torneo organizado polo club de Monte Porreiro en recoñecemento ao labor desenvolvido por esta entidade a prol do tenis de mesa galego. É intención dos xogadores continuar con estes recoñecementos a outros clubes durante a temporada.

3ª división
Local: S.C. Padronesa-Padrón
CORREO GALEGO: 4 - ANPA IES VIRXE DO MAR: 0
Alineación: Adrián-Manoel-Nacho / db: Adrián-Manoel

Primeiro partido oficial para o equipo. Notouse esta circunstancia diante dun rival moito máis veterano. Aínda así os nosos xogadores puxeron en apretos aos contrarios nalguha fase dos partidos. Desta volta exerceu como adestrador Pablo quen ao remate do encontro fixo fincapé na novidade da competición para os xogadores o que se notou no resultado final.
Malia este primeiro tropezo o equipo mantén a moral alta agardando pola vindeira xornada.

para ollar mais polo miúdo a xornada, fai clic nesta ligazón.

Comeza a tempada 2008-2009

Comeza unha nova tempada con novidades para o noso equipo.
Por segundo ano participamos na competición federada. Este ademais, con 2 equipos.Un xogará en 2ª división-grupo centro e outro na terceira, grupo centro tamén.
10 xogadores/as, 2 equipos e moitas ilusións neste novo proxecto.Os obxectivos son claros: Manter a categoría na 2ª división e acadar un posto digno na 3ª. Todo o que supere estas espectativas sería un enorme éxito.
Esta andaina non sería posible este ano sen a colaboración de numerosos pais e nais que se prestan a colaborar de xeito desinteresado.
Noraboa a todos,felicidades pola anterior campaña que puxo os cementos desta e ánimos renovados na nova aventura que comeza!!.

II Memorial Xaime López

Tres xogadores do noso equipo participaron no II Memorial Xaime López que se disputou na localidade de Ferrol.

Inés Vázquez pasou da fase de grupos en 3ª posición quedando eliminada en cuartos por Gema Cores de Cambados (3-1).Guillermo Maneiro pasou da fase de grupos de 2º pero quedou eliminado na fase previa contra un xogador do equipo Estrela da Amadora de Portugal.Pablo Pérez non pasou da fase de grupo porque quedou en cuarta posición.Cabe destacar que este grupo era un dos máis díficiles da categoría.
fai clic neste ligazón para ver os resultados.
fai clic para ver o ranking galego.

Comeza a tempada no noso instituto

Ás portas do novo curso académico, os estudantes e xogadores de tenis de mesa do noso centro están xa a se preparar para dar guerra na liga galega que esta tempada comezará a finais de setembro.

Cómpre dicir que a federación dos xogadores este ano está sendo un tema complicado debido ó ascenso do noso equipo o ano pasado, que nos abriu á posibilidade de federar a dous equipos, un na 2ª división á que ascendemos e un segundo novo equipo na 3ª.

De todas formas, a posibilidade da federación queda aberta a todos aqueles que queirades federarvos neste deporte e representar ao noso instituto a nivel galego.

Por outra banda, a inminencia da liga non vai pillar por sorpresa a 3 dos nosos xogadores; Pablo Pérez, Inés Vázquez e Guillermo Maneiro inscribíronse, en aras de coller o bo ritmo do que gozaban o ano pasado, en sendos torneos galegos de gran nivel: o II memorial Xaime López de Ferrol, no que participarán este domingo día 7 de setembro, os tres na categoría xuvenil (un duro paso para os nosos xogadores, pero obligatorio pola eliminación da categoría cadete). Outros torneos que estes tres rapaces teñen entre mans son o de Narón (o 14 de setembro) e máis o de Gondomar (xa empezado o curso, o día 28 de setembro).

Desexámoslle sorte por igual a os nosos tres campións, que non están dispostos a descansar pese a o moito que axudaron a ascender ao noso equipo de 3ª o ano pasado.

E animámoslle a outros tres campións, Adrián Pérez, Nacho Carnota e Manuel Pérez, a recobrar rápido o entusiasmo por este deporte que radiaban o ano pasado xa cando xogaban nas mesas do noso centro en cada un dos recreos. Desexámoslle toda a sorte do mundo no novo reto que aceptaron ao federarse este ano polo noso instituto.

No verán non descansamos!!

Crónica enviada por Pablo Pérez

Inés Vázquez, xogadora e estudante do noso centro, o IES Virxe do Mar, acadou o título de subcampiona no torneo de Oleiros de tenis de mesa na modalidade de femenino cadete.Parabéns para Inés e para os seus adestradores Andrés Vázquez, Rubén Seijo e un servidor.

Compre sinalar que os demáis xogadores do equipo están a disfrutar dunhas merecidas vacacións (algúns,nos que me inclúo,na tranquila vila de Portosín).Agardamos que todos volvamos en forma para dar guerra na vindeira tempada nas ligas de 2ª e 3ª división.

Asemblea Xeral da FGTM

O vindeiro 29 de xullo en Santiago de Compostela está convocada a ASEMBLEA XERAL ORDINARIA DA FEDERACIÓN GALEGA DE TENIS DE MESA.
Non estaremos descoidados!!.Alí xogarase o noso futuro na tempada 08/09. Unha das decisións que se tomarán será a nova estructura das ligas galegas.Ese día é posible que saibamos se os nosos equipos competirán na 3ª división galega ou un deles poderá competir na 2ª.
Agardamos a decisión co devezo de ter a oportunidade de acadar un agardado ascenso de categoría.

-Orde do día-
1. Lectura e aprobación, si procede, do Acta da Asemblea anterior.
2. Resumo de actividades da Tempada 2007 – 2008.
3. Contas do exercicio 2008.
4. Actividades da Tempada 2008 – 2009.
5. Orzamentos do ano 2009.
7. Informe disciplinario do Xuíz único
8. Propostas que se presenten á Asemblea Xeral.
9. Rogos e preguntas.

Para ver a orde da convocatoria na súa totalidade premer na ligazón.

Inés na Selección Galega

A nosa extraordinaria xogadora Inés Vázquez formou parte da selección infantil que representou a Galicia nos Campionatos de España celebrados en Avilés dendo o 24 ao 29 de xuño.

Diante das potentes seleccións de Andalucía,Cataluña e Madrid as nosas tiveron unha actuación máis que aceptable.

Durante a semana Inés continuou acadando unha experiencia competitiva que nos virá moi ben de cara a vindeira tempada.Ademais por suposto de disfrutar dunha semana de lecer que ben que mereceu. Noraboa polo teu traballo Inés !!

Se queres ver os resultados da competición fai clic nesta ligazón.

Campionatos galegos

O noso equipo participou nos Campionatos galegos o pasado 15 de xuño na localidade de Cambados.A competición disputouse por parellas masculinas,femininas e mixtas.

Os nosos acudiron a cita co ánimo de aprender e calibrar o seu nivel diante dos mellores xogadores/as de Galicia.

Da nosa participación hai que destacar o segundo posto acadado en dobres femininos,categoría infantil,por Inés Vázquez quen disputou a competición formando parella coa xogadora Andrea Valiño do C.T.M Oleiros. Non podemos esquencer tampouco o estupendo nivel competitivo no que están Guillermo Maneiro e Pablo Pérez quenes manteñen a súa progresión ascendente. Noraboa aos tres.

Tamén temos que felicitar aos alumnos do centro Jacobo Creo e Jorge Canosa (que xogou os dobres mixtos con Inés) quenes desta volta representaban á Sociedade Liceo de Noia.

-fai clic na ligazón para ver as clasificacións finais-

Noraboa Inés !!

Xa temos ocasión de felicitar de novo a nosa xogadora Inés Vázquez. Desta volta pola súa inclusión na Selección Galega infantil que disputará o Campionato de España.Os seleccionadores F.Padín e V.Malov tomaron a acertada decisión de incluíla no equipo xunto coas xogadoras Cristina Barreiro e Raquel Martínez.A competición terá lugar na localidade asturiana de Avilés dende o 25 ao 29 de xuño.Parabéns para Inés e os seus adestradores Andrés e Rubén!!

a tempada en imaxes

Campionatos galegos

A FGTM ven de convocar os campionatos galegos nas categorías infantís e cadetes.Os mesmos terán lugar o vindeiro 14 de xuño na vila de Cambados.As probas a disputar son as de dobres masculinos,femininos e mixtos.
Os xogadores/as interesados poden facer a súa preinscripción nas oficiñas do club antes do 1 de xuño.
Para saber máis fai clic nesta ligazón.

Palmarés 07-08

Equipo
4º posto na 3ª div. galega noroeste
Inés Vázquez
Campiona galega infantil
Seleccionada para a selección de Galicia (campionato de España)

Campiona provincial escolar infantil
1º posto "sub 14" no OPEN NADAL Pobra
Guillermo Maneiro
5º individual na liga grupo noroeste
3º posto no OPEN NADAL Pobra
Pablo Pérez
6º individual na liga grupo noroeste

Xornada 18: E.D.X. Oroso - IES Virxe do Mar

Achegabámonos esta última xornada a Sigüeiro para xogar diante do potente EDX Oroso. Aínda que nalgún momento fomos quen de ofrecer algunha resistencia, o resultado de 4-0, favorable aos intereses locais, reflicte ben ás claras a superioridade do equipo de Oroso. A nosa alineación desta volta foi : Inés - Pablo - Guillermo.
Malia esta derrota, rematamos a competición nunha 4ª posición superando todas as expectativas que tiñamos ao principiar esta andaina.
Dende o noso blog queremos felicitar a todos os xogadores, adestradores e directiva do E.D.X. xa que rematan esta liga no primeiro lugar da táboa clasificatoria acadando un merecido ascenso á 2º división galega.

ADECO Pobra - IES Virxe do Mar

O domingo 6 de abril, no Polideportivo municipal da Pobra do Caramiñal, agardaba por nós o encontro diante do Adeco Pobra correspondente á xornada 17 da 3ª División Galega.
A nosa alineación desta volta foi a seguinte: Brais Canosa, Guillermo Maneiro e Pablo Pérez.
O partido resultou por momentos moi disputado aínda que ao remate do mesmo o taboleiro reflectía un 1-4 favorable aos nosos intereses.
Logo desta vitoria continuamos situados na cuarta posición da táboa clasificatoria en espera da última e definitiva xornada.

Deporte escolar: Fase Barbanza

Remataron as fases comarcais de Deporte Escolar na zona do Barbanza. Na competición por equipos, o equipo cadete masculino acadou o primeiro posto. Na categoría infantil os nosos xogadores venceron nun dos partidos disputados e remataron a fase na 4ª posición.
Na competición individual masculina cadete, Pablo Pérez rematou en 2º posición -medalla de prata- e Guillermo no 3ª lugar -medalla de bronce-. Inés Vázquez foi quen de acadar o primeiro posto -medalla de ouro- na categoría infantil feminina.
A seguinte fase será a provincial que se disputará este ano na localidade de Oroso.
foto: fase provincial ano 2007 - A Coruña -

Competición interna

Comezou a competición interna no IES Virxe do Mar. Na primeira xornada Guillermo, Pablo e Brais apañaron senllas vitorias.

Semana na neve

Parte da nosa plantilla viaxou na segunda semana de marzo á estación invernal de Pal Arinsal en Andorra. Os nosos xogadores foron quen de aprender as primeiras técnicas do esquí. Ao final da semana é de destacar que daba xenio velos descender pistas vermellas como se fosen costas do Ferrador !!.
Proba de todo iso son os diplomas que lles foron entregados como dominadores do descenso en cuña e caidas varias. Non esquecemos, por suposto, o nada doado ascenso en telesilla. Noraboa para os afortunados.
Na foto podemos ver a Pablo,Guillermo,Santi e Alberto.