7ª XORNADA DE LIGA 2ª G E 3ª G

2ª G:

IES VIRXE DO MAR "A": 5 - HÍPICA METROSIDERO: 2

Guillermo Maneiro Currás: 3 - Francisco Fuentes Rodríguez: 1

Pablo Pérez Romaní: 3 - Jacobo Rodríguez Fernández: 0

Adrián Pérez Romaní: 2 - Pablo Aboy Nieto: 3

Pablo Pérez Romaní / Guillermo Maneiro Currás: 3 - Jacobo Rodríguez Fernández / Francisco Fuentes Rodríguez: 0

Guillermo Maneiro Currás: 3 - Jacobo Rodríguez Fernández: 0

Adrián Pérez Romaní: 2 - Francisco Fuentes Rodríguez: 3

Pablo Pérez Romaní: 3 - Pablo Aboy Nieto: 1

A xornada obrigada que tanta falla nos facía para recobrar folgos. Neste partido incluso Adrián pareceu saír do seu letargo xogando un aceptable partido contra Francisco, aínda que a súa derrota contra Pablo fora moi defraudante. Parece ser que o momento de peche dos partidos segue a ser a segunda maior dificultade do noso xogador, quen non foi capaz de aproveitar un 2-1 en sets e 7-3 en puntos todo ao seu favor. Estes fallos psicológicos non se poden tolerar en partidos máis decisivos, aínda que nesta xornada en concreto podiamonos permitir certos deslices. É de destacar que os nosos rivais ofreceron o seu maior rendemento á hora de enfrontarse a Pablo e Guillermo, poñendo aos nosos xogadores contra as cordas nalgún set, aínda que a súa falta de constancia valeulles o resto do partido. Para a semana xogaremos en Cambre o último encontro deste ano 2010, e será este un partido sen obrigación de gañar. O ano remata para nos con 2 das 3 victorias que estabamos obrigados a obter: a de Hípica Metrosidero, a de Breogán Oleiros "C" e a de Conxo TM, sendo este último o que nos venceu e ao cal debemos gañar por unha minima diferencia para conseguir adiantalos na clasificación, e ter unha vantaxe sobre eles la liga de descenso que xa máis ou menos se vai definindo.

3ª G:

IES VIRXE DO MAR "B": 0 - OROSO - ZAPATERÍA RIAL: 7

Alexander Castro Martínez: 0 - Simón Raña: 3

Manoel Severiano Pérez García: 1 - José Manuel Regueiro: 3

Aitor Alonso Méndez: 1 - Felipe Vázquez: 3

Aitor Alonso Méndez / Sergio Agraso Graciano: 0 - Simón Raña / Eloy Raña: 3

Manoel Severiano Pérez García: 1 - Simón Raña: 3

Alexander Castro Martínez: 2 - Eloy Raña: 3

Sergio Agraso Graciano: 0 - José Manuel Regueiro: 3

Unha xornada para reflexionar. É certo que a nosa alineación contaba con bastantes baixas, como a de Venancio, a de Nacho ou incluso a de Martín. O equipo rival fixo o seu mellor papel sacando a Simón e ao seu irmán defensivo Eloy, e a José Manuel Regueiro, pai do recentemente 4º clasificado zonal Uxío Regueiro. Os esforzos dos nosos xogadores só se traduciron en eventuais sets ou incluso bolas de set que non conseguían consolidar. Cómpre salientar un bo set xogado por Aitor contra Felipe, no que non lle deixou opción ao defensivo xogador de picos rival. Máis Aitor quedou dormido nos laureles e perdeu o derradeiro set contundentemente. Alex tamén lle deu moita guerra ao defensivo Eloy, nun partido no que o rival xogou con verdadeira confianza e dominio, ofrecéndonos puntos con moito xogo de efectos, aos que Alex empezou poñendo fin cun bo golpe gañador nos primeiros sets, pero que contra o final do partido tensaron o brazo do noso xogador, impedíndolle tirar bolas ben liftadas ou nin sequera unha boa pegada gañadora, recurso que empregou moi ben nos primeiros sets. Esperemos que na segunda volta o resultado sexa un pouco máis apretado, ou polo menos contar coa nosa plantilla ao completo.

6ª XORNADA DE LIGA 2ª G E 3ª G

2ª G:

ANORTHOSIS VIMIANZO: 6 - IES VIRXE DO MAR "A": 1

Miguel Rey: 3 - Adrián Pérez Romaní: 1

Roi Martínez: 3 - Guillermo Maneiro Currás: 2

Marcelino Túñez de la Barrera: 2 - Pablo Pérez Romaní: 3

Miguel Rey / Roi Martínez: 3 - Pablo Pérez Romaní / Guillermo Maneiro Currás: 2

Roi Martínez: 3 - Adrián Pérez Romaní: 0

Miguel Rey: 3 - Pablo Pérez Romaní: 2

Marcelino Túñez de la Barrera: 3 - Guillermo Maneiro Currás: 2

O resultado global non se corresponde coa realidade acontecida neste encontro. Foron tantos os 2-2 nos que non soubemos apretar que a victoria era potencialmente posible incluso por un 5-2 ao noso favor. Os rivais eran dentro do nivel da segunda división asequibles, pero a pesar diso foi unha xornada desenfadada e sin obriga de gañar, na que Pablo e Guillermo puideron enfrentarse a rivais cun nivel máis ou menos próximo ao deles (boa mostra de iso é que todos os seus partidos chegaron ao 5º set). Adrián por outra banda segue a ter pouca constancia e estabilidade táctica, e é de agradecer o set que lle fixo ao rival co que abreu o encontro. Nestes momentos segue a depender máis de el o resultado de cada xornada ca de Pablo e Guillermo, pero esperemos que só sexa cuestión de tempo que se adecue ao nivel no que está xogando.

3ª G:

A.D. DUBRATAMBRE "3": 5 - IES VIRXE DO MAR "B": 2

Ana Mª Pérez Martínez: 3 - Venancio González Caamaño: 0

Raquel Noya Iglesias: 3 - Alexander Castro Martínez: 0

Marcos Liñares Domínguez: 3 - Ignacio Carnota Blanco: 1

Ana Mª Pérez Martínez / Raquel Noya Iglesias: 3 - Alexander Castro Martínez / Ignacio Carnota Blanco: 0

Raquel Noya Iglesias: 0 - Venancio González Caamaño: 3

Ana Mª Pérez Martínez: 3 - Sergio Agraso Graciano: 0

Marcos Liñares Domínguez: 2 - Alexander Castro Martínez: 3

Velaquí a xornada contra o equipo estrela da liga, o equipo de Portomouro composto por toda a súa canteira feminina. O seu nivel na liga feminina sería igual máis ou menos á primeira división nacional, máis por razóns estrañas o clube decidiu federalas na máis baixa das divisións masculinas, aínda a sabendas de que non poderán ascender a máis da primeira división galega. Malia á superioridade indiscutible dos nosos rivais, Alex e Venancio foron capaces de conseguir cadanseu tanto e acadar así un resultado algo máis reñido. Cabe destacar o bo partido xogado por Venancio, quen gañou por 3-0 a Raquel, contrincante que nin Alex foi quen de gañar (a pesar da aparente dificultade de Alex para adecuarse á mesa de xogo que se lle asignou, o cal lle costou máis dunha falta de saque). Despois deste atenuado mal trago que tiñan que pasar os nosos xogadores, toca volverse animar e aplicar nos entrenamentos para seguir dando guerra nas restantes xornadas desta primeira volta. Ánimo aos nosos campións!

5ª XORNADA DE LIGA 2ª G E 3ª G

2ª G:

BREOGÁN OLEIROS "B": 4 - IES VIRXE DO MAR "A": 3

José Luis López: 3 - Pablo Pérez Romaní: 1

Ramón Casas: 1 - Guillermo Maneiro Currás: 3

Fernando Losada: 3 - Adrián Pérez Romaní: 0

José Luis López / Fernando Losada: 3 - Pablo Pérez Romaní / Guillermo Maneiro Currás: 1

José Luis López: 2 - Guillermo Maneiro Currás: 3

Fernando Losada: 1 - Pablo Pérez Romaní: 3

Ramón Casas: 3 - Adrián Pérez Romaní: 0

A penúltima xornada desta primeira volta que non tiñamos obrigación de gañar. A pesar diso, o equipo local facilitounos moito as cousas ao non presentarnos a súa mellor alineación, unha vantaxe que tiñamos que aproveitar e non o fixemos. Se a nosa parella de dobres apretase un pouco máis no momento do dobres o resultado podería ser outro, ou cun mellor partido por parte de Pablo cando abreu o encontro contra José Luis. Do equipo rival cómpre salientar que estaba composto por xogadores veteráns e curtidos no deporte, e que a versatilidade dos seus saques e o control da pelota é unha calidade inherente á experiencia. Para a segunda volta contamos con darlles algo máis de guerra, traian ou non á súa mellor plantilla ao noso instituto.

3ª G:

MIXILÓN: 1 - IES VIRXE DO MAR "B": 6

Noelia Santiago: 0 - Venancio González Caamaño: 3

Antía Torres: 0 - Manoel Severiano Pérez García: 3

José M. Rodríguez: 2 - Sergio Agraso Graciano: 3

Antía Torres / Sara González: 0 - Ignacio Carnota Blanco / Aitor Alonso: 3

Noelia Santiago: 2 - Martín López Tomé: 3

José M. Rodríguez: 3 - Aitor Alonso Méndez: 2

Sara González: 0 - Venancio González Caamaño: 3

Unha xornada relativamente fácil e despreocupada. Os nosos xogadores gañaron case todos os partidos, a pesar de que algúns chegaron a apretados 2-2. A partir de xornadas coma esta faise apreciable a mellora do noso pequeno xogador Venancio quen, empezando o ano cun nivel moi básico, se conseguiu abrir un oco ata a posición de xogadores clave para partidos importantes, o cal esperemos que non se lle suba á cabeza, pois ás veces tende a baixar a garda ou a distraerse nos entrenamentos. Esperemos que o seu afán de búsqueda de novos recursos contaxie ao resto da plantilla, e Martín, Aitor e Sergio aprendan del certos golpes característicos e moi necesarios nos partidos de liga, como é o da bola liftada ou tospin que Venancio emprega con bastante confianza. Moita sorte a todos eles.

4ª XORNADA DE LIGA 2ª G E 3ª G

2ª G:

IES VIRXE DO MAR "A": 1 - ARTEAL VENTANAS "B": 6

Adrián Pérez Romaní: 0 - Manuel Calvo Martí: 3

Guillermo Maneiro Currás: 3 - Andrés Segade García: 1

Pablo Pérez Romaní: 1 - Eric Fagundes Otero: 3

Pablo Pérez Romaní / Guillermo Maneiro Currás: 1 - Manuel Calvo Martí / Eric Fagundes Otero: 3

Guillermo Maneiro Currás: 2 - Manuel Calvo Martí: 3

Adrián Pérez Romaní: 1 - Eric Fagundes Otero: 3

Pablo Pérez Romaní: 2 - Andrés Segade: 3

Baixo rendemento por parte de todos os nosos xogadores, pois a pesar de que non era unha xornada que aspirasemos a gañar, a ausencia do seu mellor xogador José Fernández Alborés dabanos a oportunidade de acadar un resultado bastante mais apretado, que se quedou nun frustrante 6-1. Tres dos puntos que levou o equipo rival puideron caer do noso bando cun pouco máis de esforzo nos momentos importantes: foron o individual entre Manuel e Guillermo, no que o xogador rival consolidou unha asombrosa remontada non un partido que nin podia nin estaba obrigado a gañar con facilidade. A derrota no dobres foi un pouco menos significativa, pois os folgos estaban xa bastante baixos. Por último, no 5-1 para o equipo de Arteal, Pablo perdeu o derradeiro partido contra Andrés levando o noso xogador a iniciativa na maioría de puntos do comezo, pero non sendo capaz de continuar con ese ritmo ao chegar ao 5º set, de desempate. Esperemos ter a sorte de que esta xornada sexa a peor que vaian xogar en todo o ano, pois acércanse xornadas importantes nas que os baixóns coma este terán graves repercusións.

3ª G:

ADECO-DEA TM: 6 - IES VIRXE DO MAR "B": 1

Alberto González García: 1 - Ignacio Carnota Blanco: 3

Gil Alfonso López Pérez: 3 - Martín López Tomé: 0

José Barrio Guldrís: 3 - Aitor Alonso Méndez: 0

Ignacio Carnota Blanco / Sergio Agraso Graciano: 2 - Alberto González García / Gil Alfonso López Pérez: 3

Alberto González García: 3 - Martín López Tomé: 1

José Barrio Guldrís: 3 - Sergio Agraso Graciano: 0

Gil Alfonso López Pérez: 3 - Aitor Alonso Méndez: 1

Esta foi unha xornada realmente decepcionante para os nosos xogadores, que experimentaron o encontro cun equipo que, sin ser moi destacable técnicamente, conseguiu gañarnos case todos os partidos grazas á súa experiencia en liga e veteranía, algo que co que os nosos xogadores aínda non contan. O xogo cortado de Gil desestabilizou o dominio sobre plano de Martín e Aitor, e a pala de picos de José fíxolle moito daño a Aitor e a Sergio. Quizáis sexan as derrotas contra este último sobre as que habería que facer unha maior inflexión, pois poñen de manifesto a imperiosa necesidade que hai neste deporte de observar a pelota en todo momento, e non de deixarse fiar do xesto do rival, ou da súa posición. Os picos supoñen para os nosos xogadores un caos en canto a control de efectos, pois invirte todo o que eles ata o de agora aprenderon. Observar fixamente a bola é unha máxima que, por obvia que pareza, os nosos xogadores teñen que ter completamente asimilada. Agárdanos agora Mixilón, o equipo pontevedrés peor clasificado do noso grupo, unha xornada de relax que non implica a máis mínima relaxación nos entrenamentos das semanas ata entón.

3ª XORNADA DE LIGA 2ª G E 3ª G

2ªG:

BREOGÁN OLEIROS "C": 3 - IES VIRXE DO MAR "A": 4

Alberto Doval Loureda: 3 - Adrián Pérez Romaní: 0

Andrea Valiño Rodríguez: 0 - Pablo Pérez Romaní: 3

Óscar Doval Loureda: 2 - Guillermo Maneiro Currás: 3

Alberto Doval Loureda / Andrea Valiño Rodríguez: 3 - Pablo Pérez Romaní / Guillermo Maneiro Currás: 1

Andrea Valiño Rodríguez: 3 - Adrián Pérez Romaní: 0

Alberto Doval Loureda: 0 - Guillermo Maneiro Currás: 3

Óscar Doval Loureda: 1 - Pablo Pérez Romaní: 3

Non era sin tempo. Por fin chegaron os dous primeiros puntos para a clasificacion que non dabamos acadado. Un encontro tenso no que nos vimos desesperados en tres ocasións: a primeira, cando Óscar estaba a un set de gañar a Guillermo antes do dobles, sendo capaz o noso xogador de remontar a situación con moi boa cabeza e perseverancia, valorando cada punto que caia do noso bando; a segunda, que non puidemos evitar, foi a derrota nese fatídico dobles, no que os nosos xogadores mostraron unha gran pasividade ofrecendo un xogo máis que lamentable fronte a un equipo de dobres que carecia do seu mellor xogador, Óscar, quen se absteu de participar coa intención de prepararse para o que iba a ser o seu partido final contra Pablo; e a terceira, cando despois de perder dito dobres, nos viamos na obriga de gañar tanto o partido Guillermo - Alberto como o complicado Óscar - Pablo. O primeiro caeu facilmente do noso bando, mais o segundo foi unha verdadeira sorpresa, pois o noso xogador demostrou bastante entereza fronte á súa peor debilidade: a presión do último partido frente ao preparado capitán do equipo rival. As victorias de Pablo e Guillermo fronte a el foron sen dúbida a clave deste triunfo. Pola contra debemos animar a Adrián, que segue sen dar resultados na liga, e nos segue obrigando a regalar 2 puntos aos que de momento foron todos os nosos equipos rivais na liga. Esta situación debe ser arranxada urxentemente antes da segunda volta, momento no que teremos a oportunidade de redimir algúns dos 4-3 en contra que teremos encaixados para entón.

3ªG:

IES VIRXE DO MAR "B": 3 - CAFÉ-BAR ROXIBE: 4

Manoel Severiano Pérez García: 2 - José Antonio Sanmartín Gil: 3

Ignacio Carnota Blanco: 2 - Ángel Padín Cores: 3

Sergio Agraso Graciano: 0 - Iván Álvarez García: 3

Manoel Severiano Pérez García / Ignacio Carnota Blanco: 3 - Ángel Padín Cores / Iván Álvarez García: 1

Ignacio Carnota Blanco: 3 - José Antonio Sanmartín: 2

Manoel Severiano Pérez García: 3 - Iván Álvarez García: 2

Sergio Agraso Graciano: 1 - Ángel Padín Cores: 3

Perfecto encontro para que os nosos xogadores se topen coa realidade da liga. Esta suave derrota vai servir de motivación aos nosos xogadores para que non se durman nos laureis e vexan que non hai encontro gañado nin perdido, O que foi un 3-0 antes de chegar ao dobles foi pouco a pouco un lento camiño de remontada ata o 3-3, no que os resultados falan por si sós. Os apretados marcadores reflexan a vehemencia dos nosos xogadores fronte á relaxación dun equipo algo superior tecnicamente, que levou unha victoria moito máis dificil do que eles esperaban. Algúns dos 3-2 na primeira tanda de individuais puido caer do noso bando, pero o esforzo posto en obter esos dous pares de sets son o mellor resultado dentro da derrota que os nosos xogadores puideron levar. Moita sorte para as vindeiras xornadas!

2ª XORNADA DE LIGA 2ªG E 3ªG

2ªG:

IES VIRXE DO MAR "A": 3 - CONXO TM: 4

Pablo Pérez Romaní: 3 - Marcos Espantoso Sande: 1

Steven Castro Nieto: 0 - Juan Ramón Pereiras Casal: 3

Adrián Pérez Romaní: 1 - Fernando Suárez Sandomingo: 3

Pablo Pérez Romaní / Adrián Pérez Romaní: 3 - Marcos Espantoso Sande / Juan Ramón Pereiras Casal: 2

Pablo Pérez Romaní: 3 - Juan Ramón Pereiras Casal: 0

Adrián Pérez Romaní: 0 - Marcos Espantoso Sande: 3

Steven Castro Nieto: 0 - Fernando Suárez Sandomingo: 3

Decepcionante segunda xornada que xa nos obriga a olvidarnos de case toda esperanza de permanencia na segunda división galega. As dúas xornadas factibles van alá con candanseu 4-3 en contra, e os nosos xogadores xa non se ven capaces de nada en todo o ano.

Na xornada de hoxe, ademáis de contar coa desventaxa de non ter un tercer xogador ao nivel de Pablo e Guillermo, vímonos afectados pola misteriosa enfermidade de este último, que non pudo participar de ningún xeito, e que cambiaría con toda seguridade o marcador a un 5-2 a favor. Non obstante, a labor de Pablo como único titular e xefe do grupo foi encomiable, gañando todos os seus partidos contra os dous mellores do clube rival, e levándose incluso o crucial punto do dobres, ao lado de Adrián, nun partido de máxima tensión no que os sets que caian do noso lado eran moi axustados, ao contrario dos dous que gañaron eles. Despois dos 3 puntos acadados por Pablo, só un insignificante partido nos separaba da victoria sobre o equipo rival. Pois este punto nunca chegou, Adrián e Steven perderon todos os seus enfrentamentos e os 4 puntos caeron cómodamente do lado dos nosos rivais, dando como resultado un frustrante 4-3.

O noso problemático equipo de segunda división atravesa agora unha das súas peores crises, e prantéxase seriamente o seu obxectivo nas vindeiras tempadas, sendo posible a permanencia continua e voluntaria na división inferior para o resto dos anos, a causa da resignación que levamos arrastrando dende hai anos pola carencia do noso tercer xogador.

3ªG:

OROSO GUARDERÍA TRASTES: 0 - IES VIRXE DO MAR "B": 7

Anxo Gómez: 0 - Martín López Tomé: 3

Cristina Abeijón: 1 - Venancio González Caamaño: 3

Carmela Gómez: 0 - Ignacio Carnota Blanco: 3

Cristina Abeijón / Carmela Gómez: 1 - Aitor Alonso Méndez / Manoel Severiano Pérez García: 3

Cristina Abeijón: 0 - Martín López Tomé: 3

Anxo Gómez: 0 - Sergio Agraso Graciano: 3

Carmela Gómez: 0 - Aitor Alonso Méndez: 3

Contundente vitoria que en realidade non tiñamos tan clara. Toda a nosa canteira loitou por acadar ese contundente 7-0 e os puntos foron caendo un tras outro sen demasiada dificultade. Os nosos xogadores iban realmente motivados e coas ideas moi claras, e en ningún momento se deixaron influenciar pola impresión de xogar fóra de casa por primeira vez na sua vida.

Cómpre salientar os puntos acadados por Venancio e Aitor, que demostraron ter moi boa cabeza e moita confianza nos seus recursos técnicos, escasos fronte á versatilidade do equipo rival. Tamén Martín abreu o encontro de forma sublime e reaccionou correctamente frente ao seu primeiro contrincante realizando o seu xogo por riba das pillerías do seu rival. Unha xornada redonda para os nosos xogadores.

Sen embargo, todos os partidos xogados polo agora supoñen só a punta do iceberg do que descubrirán que é a terceira división galega. Aínda así, esperamos que sepan enfrontar este nivel grazas á mellora técnica por medio das vitais sesións de entrenamento.

Teatro

1ª XORNADA DE LIGA 2ªG E 3ªG

2ªG:

LICEO SENIOR: 4 - IES VIRXE DO MAR "A": 3

Pablo Prol Romero: 3 - Guillermo Maneiro Currás: 1

Héctor Silva Martínez: 3 - Adrián Pérez Romaní: 2

Hugo Martínez Bouzas: 1 - Pablo Pérez Romaní: 3

Pablo Prol Romero / Hugo Martínez Bouzas: 0 - Guillermo Maneiro Currás / Pablo Pérez Romaní: 3

Héctor Silva Martínez: 1 - Guillermo Maneiro Currás: 3

Pablo Prol Romero: 3 - Pablo Pérez Romaní: 2

Hugo Martínez Bouzas: 3 - Adrián Pérez Romaní: 2

Importante encontro no que disfrutamos de varias oportunidades para levarnos os dous primeiros puntos na clasificación. As máis significativas foron sin duda as de Adrián, o noso terceiro experimental, que empezoulle gañando 2-0 en sets a Héctor e máis a Hugo, pero que flaqueou ante a necesidade de pechar os seus partidos, deixando caer o punto do lado dos nosos rivais. Outra oportunidade inesperada foi a que tivo Pablo Pérez no seu enfrentamento contra Pablo Prol, na que chegou a disfrutar dun 4-0 a favor no set de desempate, despois de chegar ao 2-2 facendo un último esforzo por non pechar o partido perdendo 3-1. Unha xornada chea de desventuras que frustrou aos nosos xogadores, pois esta era unha das poucas xornadas que imos ter asequibles este ano na segunda división galega.

3ªG:

LICEO JUNIOR: 2 - IES VIRXE DO MAR "B": 5

Manuel Oviedo Peña: 0 - Ignacio Carnota Blanco: 3

David Rodríguez Barreiro: 3 - Manoel Severiano Pérez García: 0

Ramón Rudiño Agrafojo: 1 - Venancio González Caamaño: 3

Manuel Oviedo Peña / Ramón Rudiño Agrafojo: 0 - Ignacio Carnota Blanco / Manoel Severiano Pérez García: 3

David Rodríguez Barreiro: 1 - Ignacio Carnota Blanco: 3

Francisco Hermo García: 1 - Aitor Alonso Méndez: 3

Abel Veiras González: 3 - Sergio Agraso Graciano: 1

Excelente xeito de comezar a liga, cun 5-2 a favor nun partido no que participou case toda a nosa canteira. Aínda que os rivais eran vellos coñecidos e asequibles contrincantes, os nosos xogadores non deben subestimar a dificultade da liga na que están federados, e deben aproveitar ao máximo a semana que lles separa do encontro co equipo de Oroso o vindeiro fin de semana. Desexámoslles aos nosos pequenos unha boa preparación para o enfrentamento cun dos equipos máis serios e disciplinados en canto a entrenamento da terceira división galega. Esperemos que este duro enfrontamento non desilusione aos nosos esperanzados xogadores. Ánimo rapaces!

PRESENTACIÓN LIGA DE TENIS DE MESA 2010-2011

Un ano máis por estas datas, o instituto IES Virxe do Mar xa ten lista a plantilla de xogadores de tenis de mesa para a tempada que vai comezar. O esforzo que fixemos o ano pasado permitiu ao equipo do instituto ascender á segunda división galega, mais un só equipo quédase pequeno para unha canteira que medra cada ano, recibindo a novos membros dos cursos máis baixos da ESO, ademáis de algún que outro novo fichaje. Facíase necesaria, pois, a creación dun segundo equipo na terceira división galega, ademáis do recén ascendido á segunda, para introducir ás novas promesas no mundo do tenis de mesa. Quedaban, pois, os equipos distribuidos do seguinte xeito:

Terceira división galega:

O obxectivo do equipo sería, como xa se dixo, facer posible a participación dun considerable número de interesados xogadores principiantes no tenis de mesa a nivel competitivo. A meta do equipo na clasificación sería quedar o máis arriba posible, pero sin ningún afán de ascenso, e dando a todos os xogadores a oportunidade de lucir a súa táctica de xogo, maioritariamente adquirida a través de partidas e piques entre eles no patio do recreo. Pero esta forma de xogar anárquica que posúen require dun soporte técnico que xa están empezando a adquirir, por medio dos entrenamentos que teñen lugar no instituto luns e venres, e que normalizarán o seu sistema de xogo para adecualo ás esixencias da liga.

Compoñen o equipo: Nacho Carnota Blanco, Manoel Pérez García, Aitor Alonso Méndez, Martín López Tomé, Venancio González Caamaño, Sergio Agraso Graciano e Alex Castro Martínez.

Segunda división galega:

Este equipo, recén ascendido de terceira división, pretende acabar o ano evitando o descenso, obxectivo que non foi capaz de cumplir dous anos atrás, cando na súa plantilla figuraba o nome de Inés Vázquez. Contamos este ano, pois, con xogarnos todo na liga de descenso que comezará por abril, confiando en que, para entonces, algún xogador da canteira federada en terceira dera o salto e poida competir a nivel de segunda galega para acadar a desexada permanencia do equipo. Mentras tanto, as cousas pintan peor este ano do que pintaban hai dous. A necesidade urxente dun tercer xogador é un hándicap que nos leva seguindo desde o ano pasado, e que, nunha división seria como é a segunda galega, vaise converter nunha carencia irremediable. De todos xeitos, para suplir o oco ata que xorda algunha alternativa, contamos cun xogador traído da terceira división, Adrián, e de un novo fichaje algo prematuro de momento, pero cuxo potencial nos convenceu, e do que esperamos un bo salto técnico antes de abril, trátase de Steven, un alumno do instituto Cernadas de Castro, que con só un ano entrenando xa devecía por ter un lugar no tenis de mesa federado.

Compoñen o equipo: Pablo Pérez Romaní, Guillermo Maneiro Currás, Adrián Pérez Romaní e Steven Castro Nieto.

Desexámoslle moita sorte, moita perseverancia e moitas horas de entrenamento aos nosos xogadores, para que sepan compaxinal ben a liga deste ano cos seus estudos secundarios e universitarios. ÁNIMO RAPACES!

A hora do planeta